Pensamentu komputashonal ta un sèt di abilidatnan ku ta yuda solushoná problemanan, proponiendo solushonnan stap pa stap ku por wòrdu ehekutá pa un persona òf un kòmpiuter. Pensamentu komputarisá no ta nifiká pensa manera un kòmpiuter pero al kontrario, ser abil pa bisa e kòmpiuter kiko e mester hasi pa solushoná un problema. E siguiente puntonan ta e fundeshi di pensamentu komputashonal:
Dekomposishon: Parti un problema òf un sistema kompleho den partinan chikitu pa e por bira mas fásil pa komprondé. Nos por dividí un tarea grandi i/òf data kompleho (p.e. usa un studiante komo modelo) den tareanan simpel i mas chikitu òf komponentenan di data (p.e. data personal i datarelashoná ku su kursonan) Esaki ta hasi posibel ku nos por traha den forma paralelo, definí e tareanan te den mas detaye, kontrolá e resultado parsial di e tareanan chikitu, ets.
Rekonosementu di patronchi: Haña similaridatnan entre problema i sistemanan ku ta yuda pa usa solushonnan anterior. Identifiká patronchinan den informashon ta permití nos prosesá esaki di forma mas efisiente (manera data di studiantenan su kursonan tin en komun; nòmber di e kurso, kantidat di ora, nòmber di e dosente i e klas).
Apstrakshon: separá lo fundamental for di e aspektonan di aksesorio pa por ignorá detayenan irelevante pa yega na solushon di e problema i komprondementu di e sistema. Siguiendo e ehèmpel di e studiante; nos ta enfoká riba e karakterístikanan komun di tur e studiantenan, esnan ku ta definí e kategoria di e studiante, na lugá di enfoká riba e karakterístikanan individual.
Algoritmo: Desaroyando un solushon stap pa stap pa e problema ku usualmente tin di haber ku sekuensianan, lasonan i alternativanan. Algoritmo ta e reseta pa sigui pa por optené e resultado final deseá. Un ehèmpel típiko di un algoritmo ta un reseta pa kushiná, kaminda mester sigui un set di stapnan sistematikamente manipulando e ingredientenan.
E kuater fundeshinan di PK por keda supdividí den konseptonan mas chikitu; p.e. pa por komprondé i traha ku algoritmo ta importante pa komprondé funshonamentu di konseptonan, loops(ripitishon) i kondishonnan. Solamente komprondé e konseptonan aki no ta sufisiente; pa solushoná problemanan tin tambe abilidatnan general ku ta abilidatnan básiko importante, manera; traha huntu, kreatividat, pensa krítiko i komunikashon. Pa e motibu aki na momentu di desaroyo di PK, nos ta ofresé abilidat i kompetenshanan pa solushoná problemanan na un manera spesífiko, meskos ku un kòmpiuter lo a hasi esaki. Pesei ta importante pa ofresé desafío i proyektonan den diferente konteksto ku e muchanan por apliká e abilidatnan aki den práktika. Ku e pensamentu aki nos por bisa ku den desaroyo di KP uso di hèrmèntnan spesífiko (manera Scratch òf robòt) no ta loke ta mas importante, pero pa siña kon pa usa e hèrmèntnan aki pa solushoná problema. Teknologia no ta e meta, pero e ta e medio pa yega na e meta. E meta ta pa integrá konseptonan, metodonan i medionan di sosten ku tin di aber ku KP, hopi bon den otro áreanan di konosementu. Den siñamentu di PK, programá ta un idioma di ekspreshon i robotica ta un instrumento di representashon. Mester di tur dos pa por solushoná un problema. Pa medio di proyektonan interdisiplinario nos por traha na e metanan i kontenido di e kuríkulo di enseñansa ku yudansa di tantu programá komo robotica. Ta e forma pa kontekstualisá e siñamentu di PK den eksperensha signifikativo di aprendizahe.
E integrashon di pensamentu komputarisa den klas mester tuma luga di forma progresivo i despues ku dosentenan a reflekshon ariba e ophetivonan, abilidatnan i kontenido pa ser desaroya. Tin hopi forma di aserkamentu na e prome stapnan aki. E plan strategiko aki abou ta disena pa yudabo skohe e aktividat ku ta kuadra miho ku bo situashon. Nos ta rekomenda un introdukshon progresivo di pensamentu komputarisa den edukashon. kuminsando ku un of algunaktividat pa kada ana esklar ku ta implementa den klas, evalua i modifika di akuerdo ku eksperensha i resultadonan optene.
Nos ta rekomenda un introdukshon gradual den enseñansa. Kuminsa ku un of algun aktividat pa kada aña eskolar ki ta wòrdu implementá, evaluá i reahustá.
NEMO tin komo mishon pa trese siensia i teknologia mas serka di e públiko den un forma interaktivo i aksesibel. Esaki ta tuma lugá den e museo, na skol, na eventonan nashonal i virtual. NEMO un museo di siensia ta un ambiente di siña no-formal interaktivo na unda un públiko amplio ta bin den kontakto ku siensia i teknologia. Bishitantenan ta mira, tende i eksperenshá kon fenómenonan sientífiko i teknológiko ta influensiá nan bida. NEMO ta traha hopi intensivo huntu ku siensia i edukashon. NEMO tin tambe un kolekshon históriko i e ta un museo reigistrá.
DEUSTO a keda fundá na aña 1886 komo un instituto di enseñansa superior i ku tin un tradishon largu i establesé. E universidat di Deusto tin un mishon i ophetivo edukativo firme basá riba ekselensia akadémiko i e responsabilidat sosial, ku e ophetivo pa generá kresementu ekonómiko sostenibel i hasi kontribushonnan positivo ku mira riba konstrukshon di sosiedatnan mas hustu, inklusivo i humano. E grupo di investigashon di e fakultat di ingenieria Deusto Learning Lab, ta traha pa mehorá siñamentu di e disiplinanan di STEM i enseñansa den konteksto formal, no formal i informal. Nos ta desaroyá proyektonan di I + D destiná pa mantené i oumentá e interes di e hóbennan den e áreanan aki pa medio di métodonan i hèrmèntnan inovativo.
Tinkersjòp; Nos ta un sentro di siensia chikitu na Curacao, kaminda nos ta praktiká ku aktividatnan di STEM.Kaminda muchanan for di 8 aña i adultonan ta eksperimentá, hasi aktividatnan teknológiko, oumentá eksperensha ku "hands on" riba area di siensia, konseptonan manera matemátika, téknika, konstrukshon i físika. Usando hèrmènt i materialnan ta eksponé e mucha yòn i adultonan na e konsepto "siña aktivo", siensia, investigashon, konstruí i deskubrí. Esaki ta pone ku e hóben ku ta bishitá nos ta haña bèk e amor pa siñamentu, ku lo engrandesé éksito den estudio. Ademas e muchanan ta haña mas interes pa materianan eksakto i trabounan i ta keda stimulá i motivá pa partisipá na investigashon propio.
Nemo Science Museum ta kordiná e proyekto aki. Abo ke forma parti di e proyekto aki òf bo tin pregunta, por fabor tuma kontakto ku NEMO Science Museum.
