Partnernan
E proyekto BRIDGE ta liderá pa un konsorsio di organisashonnan dediká, kada un tresiendo eksperensha i konosementu úniko na nos mishon kompartí. Nos asosiashon ta konstruí riba kolaborashon, inovashon i un kompromiso pa avansá oportunidatnan edukativo den Europa.
Bibliotekanan públiko di Aarhus
Bibliotekanan públiko di Aarhus ta konosé bon den e mundu internashonal di biblioteka pa ta impulsor di inovashon i desaroyo di ambientenan nobo di aprendizahe. Durante e último 25 aña Bibliotekanan públiko di Aarhus a realisá proyektonan tokante aprendizahe, lektura, makerspaces, demokrasia, sostenibilidat, partisipashon di usuario, design thinking i hopi mas. Bibliotekanan públiko di Aarhus ta operá 1 biblioteka prinsipal, Dokk1, i 17 sukursal ront di e suidat. E espasonan aki ta plataforma pa ko-kreashon ku siudadanonan i lugarnan relevante pa intodusí siensia, teknologianan nobo i aktividatnan práktiko. Pesei bibliotekanan ta lugarnan ekselente pa partisipashon demokrátiko i un siudadano por mehorá su abilidatnan i atrevé pa aktuá.
Universidad de Deusto
DEUSTO a keda fundá na aña 1886 komo un instituto di enseñansa superior i ku tin un tradishon largu i establesé. E universidat di Deusto tin un mishon i ophetivo edukativo firme basá riba ekselensia akadémiko i e responsabilidat sosial, ku e ophetivo pa generá kresementu ekonómiko sostenibel i hasi kontribushonnan positivo ku mira riba konstrukshon di sosiedatnan mas hustu, inklusivo i humano. E grupo di investigashon di e fakultat di ingenieria Deusto Learning Lab, ta traha pa mehorá siñamentu di e disiplinanan di STEM i enseñansa den konteksto formal, no formal i informal. Nos ta desaroyá proyektonan di I + D destiná pa mantené i oumentá e interes di e hóbennan den e áreanan aki pa medio di métodonan i hèrmèntnan inovativo.
Tinkersjòp
Tinkersjòp; Nos ta un sentro di siensia chikitu na Curacao, kaminda nos ta praktiká ku aktividatnan di STEM.Kaminda muchanan for di 8 aña i adultonan ta eksperimentá, hasi aktividatnan teknológiko, oumentá eksperensha ku "hands on" riba area di siensia, konseptonan manera matemátika, téknika, konstrukshon i físika. Usando hèrmènt i materialnan ta eksponé e mucha yòn i adultonan na e konsepto "siña aktivo", siensia, investigashon, konstruí i deskubrí. Esaki ta pone ku e hóben ku ta bishitá nos ta haña bèk e amor pa siñamentu, ku lo engrandesé éksito den estudio. Ademas e muchanan ta haña mas interes pa materianan eksakto i trabounan i ta keda stimulá i motivá pa partisipá na investigashon propio.
Studio Kabritu
Nos ta yuda organisashonnan formá nan mensahe pa medio di estrategia, diseño i plataformanan digital poderoso. For di e prome idea te e entrega final, nos ta ofresé sosten práktiko i input kreativo ku ta garantisá ku ideanan ta resoná. Nos ta traha di serka ku partnernan (espesialmente den edukashon formal i no formal) pa hasi komunikashon inklusivo, atraktivo i ku impakto. Studio Kabritu ta konektá vishon ku e oudienshia, yudando bo ekspresá propósito, inisiá diálogo i impulsá kambio signifikativo.
Partnernan anterior
BRIDGE ta un kontinuashon direkto di e proyekto CtPrimed [2021-1-NL01-KA210-SCH-000031319]. Hopi di e partnernan ku a kontribuí na e éksito di CtPrimed ta involukrá tambe den BRIDGE, garantisando kontinuidat i konstruyendo riba relashonnan i konosementu establesé. E traslape aki ta permití nos pa aprovechá aserkamentunan probá mientras nos ta duna bonbiní na perspektivanan i ideanan nobo.
Huntu, nos konsorsio ta traha pa kreá rekursonan ku impakto, kompartí e mihó práktikanan i fomentá konekshonnan entre edukadornan, studiantenan i komunidatnan. Nos ta kere ku pa traha den ret nos por lográ mas ku kualkier organisashon so.
