Pensamentu komputashonal pa skolnan

E kuater fundeshinan di PK por keda supdividí den konseptonan mas chikitu; p.e. pa por komprondé i traha ku algoritmo ta importante pa komprondé funshonamentu di konseptonan, loops(ripitishon) i kondishonnan.

Solamente komprondé e konseptonan aki no ta sufisiente; pa solushoná problemanan tin tambe abilidatnan general ku ta abilidatnan básiko importante, manera; traha huntu, kreatividat, pensa krítiko i komunikashon. Pa e motibu aki na momentu di desaroyo di PK, nos ta ofresé abilidat i kompetenshanan pa solushoná problemanan na un manera spesífiko, meskos ku un kòmpiuter lo a hasi esaki. Pesei ta importante pa ofresé desafío i proyektonan den diferente konteksto ku e muchanan por apliká e abilidatnan aki den práktika. Ku e pensamentu aki nos por bisa ku den desaroyo di KP uso di hèrmèntnan spesífiko (manera Scratch òf robòt) no ta loke ta mas importante, pero pa siña kon pa usa e hèrmèntnan aki pa solushoná problema. Teknologia no ta e meta, pero e ta e medio pa yega na e meta. E meta ta pa integrá konseptonan, metodonan i medionan di sosten ku tin di aber ku KP, hopi bon den otro áreanan di konosementu.

Den siñamentu di PK, programá ta un idioma di ekspreshon i robotica ta un instrumento di representashon. Mester di tur dos pa por solushoná un problema. Pa medio di proyektonan interdisiplinario nos por traha na e metanan i kontenido di e kuríkulo di enseñansa ku yudansa di tantu programá komo robotica. Ta e forma pa kontekstualisá e siñamentu di PK den eksperensha signifikativo di aprendizahe.

Rekursonan

E integrashon di pensamentu komputarisa den klas mester tuma luga di forma progresivo i despues ku dosentenan a reflekshon ariba e ophetivonan, abilidatnan i kontenido pa ser desaroya. Tin hopi forma di aserkamentu na e prome stapnan aki. E plannan strategiko aki abou ta disena pa yudabo skohe e aktividat ku ta kuadra miho ku bo situashon.

Plan strategiko

E plan strategiko aki ta disena pa yudabo ku e prome stapnan pa integra pensamentu komputarisa den klas, ku un enfoke spesifiko riba edukashon primario.

Plan strategiko parti 2

E plan strategiko aki ta un adishon na e prome plan strategiko, ku un enfoke riba edukashon sekundario of pensamentu komputarisa mas avansa.

Plan strategiko pa formatonan di dialogo

Pa yudabo usa formatonan di dialogo den klas, nos a disena e guia aki ku idea, tip i ehersisionan pa bo usa den klas.