Pensamento Computacional pa skolnan
Por dividi e cuater basenan di PC den conceptonan mas chikito; p.e. pa por compronde y traha cu algoritmo ta importante pa compronde funcionamento di conseptonan, loops(ripiticion) y condicionnan.
Pa solamente compronde e conseptonan aki no ta suficiente; pa soluciona problemanan tin tambe abilidadnan general cu ta abilidadnan basico importante, manera; traha hunto, creatividad, pensa kritiko i comunicacion. Pa e motibu aki na momento di desaroyo di PC, nos ta ofrece abilidad i competencianan pa soluciona problemanan na un manera specifico, mescos cu un computer lo a hasi esaki. Pesei ta importante pa ofrece desafio i projectonan den diferente konteksto cu e muchanan por aplica e abilidadnan aki den practica. Cu e pensamento aki nos por bisa cu den desarojo di PC uzo di tools specifico (manera Scratch o robot) no ta loke ta mas importante, pero pa siña kon pa uza e toolsnan aki pa soluciona problema. Tecnologia no ta e meta, pero e ta e medio pa jega na e meta. E meta ta pa integra conseptonan, metodonan y medionan di sosten ku tin di aber ku PC, hopi bon den otro arianan di conosemento.
Den siñamento di PC, programa ta un idioma di exprecion y robotica ta un instrumento di representacion. Mester di tur dos pa por soluciona un problema. Pa medio di projectonan interdiciplinario nos por traha na e metanan y contenido di e curiculo di enseñansa ku judansa tanto programa como robotica. Ta e forma pa pone den contexto e siñamentu di PC den experencia significativo di aprendizahe.
Recursonan
Integracion di pensamento computarisa den clas mester tuma luga di forma progresivo y despues ku docentenan a reflexional ariba e ophetivonan, abilidadnan y contenido pa desaroja. Tin hopi forma di acercamento na e prome stapnan aki. E plannan strategico aki abou ta disenja pa judabo skohe e actividat cu ta cuadra miho ku bo situacion.
Plan strategico
E plan strategico aki ta disenja pa judabo cu e prome stapnan pa integra pensamento computarisa den clas, cu un enfoke specifico ariba educacion primario.
Plan strategico parti 2
E plan strategico aki ta un adicion na e prome plan strategico, cu un enfoke ariba educacion secundario of pensamento computarisa mas avansa.
Plan strategico pa formatonan di dialogo
Pa judabo usa formatonan di dialogo den clas, nos a disenja e guia aki cu idea, tip y ehercicionan pa bo usa den clas.
