Partnernan
E proyecto BRIDGE ta lidera pa un consorcio di organisacionnan dedica, cada un treciendo experiencia y conocemento unico na nos mision comparti. Nos asociacion ta construi riba colaboracion, inovacion y un compromiso pa avansa oportunidadnan educativo den Europa.
Bibliotecanan publico di Aarhus
Bibliotecanan publico di Aarhus ta conoci bon den e mundo internacional di biblioteca pa ta impulsor di inovacion y desaroyo di ambientenan nobo di aprendizahe. Durante e ultimo 25 aña Bibliotecanan publico di Aarhus a realisa projectonan tocante aprendizahe, lectura, makerspaces, democracia, sostenibilidad, participacion di usuario, design thinking y hopi mas. Bibliotecanan publico di Aarhus ta opera 1 biblioteca principal, Dokk1, y 17 sucursal rond di e ciudad. E espacionan aki ta plataforma pa co-creacion cu ciudadanonan y lugarnan relevante pa introduci ciencia, tecnologianan nobo y actividadnan practico. Pesei bibliotecanan ta lugarnan excelente pa participacion democratico y un ciudadano por mehora su abilidadnan y atrebe pa actua.
Universidat de Deusto
A funda DEUSTO na aña 1886 como un instituto di enseñansa superior y cu tin un tradicion largo y establece. E universidad di Deusto tin un mission y ophetivo educativo firme basá riba exelencia academico y e responsabilidad social, cu e obhetivo pa genera cresemento economico sostenibel y hasi contribucion positivo mirando riba construccion di sociedadnan mas husto, inclusive y humano. E grupo di investigacion di e facultat di ingenieria Deusto Learning Lab, ta traha pa mehora siñamentu di e disiplinanan di STEM y enseñansa den contexto formal, no formal y informal. Nos ta desaroja projectonan di I + D destiná pa mantene y oumenta e interes di hobennan den e arianan aki pa medio di metodonan i toolsnan inovativo.
Tinkersjòp
Tinkersjòp; Nos ta un centro di ciencia chikito na Curacao, kaminda nos ta practica cu actividadnan di STEM.Caminda muchanan for di 8 aña y adultonan ta experimenta, hasi aktividadnan tecnologico, oumenta experencia cu "hands on" riba aria di ciencia, conseptonan manera matemática, tecnica, construccion y fisica. Uzando tools y materialnan ta expone e mucha hoben y adultonan na e consepto "siña activo", ciencia, investigacion, construi y deskubri. Esaki ta pone cu e hoben cu ta bishita nos ta haña bek e amor pa siñamentu, ku lo engrandese exito den estudio. Ademas e muchanan ta haya mas interes pa materianan exacto y trabounan y ta keda stimulá y motiva pa partisipá na investigacion propio.
Studio Kabritu
Nos ta juda organisacionnan forma nan mensahe pa medio di estrategia, diseño y plataformanan digital poderoso. For di e prome idea te e entrega final, nos ta ofrece sosten practico y input creativo cu ta garantisa cu ideanan ta resoná. Nos ta traha di cerca cu partnernan (especialmente den educacion formal y no formal) pa hasi comunicacion inclusivo, atractivo y cu impacto. Studio Kabritu ta conecta vision cu e audiencia, judando bo expresa proposito, inicia dialogo y impulsa cambio significativo.
Partnernan anterior
BRIDGE ta un continuacion directo di e proyecto CtPrimed [2021-1-NL01-KA210-SCH-000031319]. Hopi di e partnernan cu a contribui na e exito di CtPrimed ta involucra tambe den BRIDGE, garantisando continuidad y construyendo riba relacionnan y conocemento estableci. E traslape aki ta permiti nos pa aprovecha acercamentonan probá mientras nos ta duna bonbini na perspectivanan y ideanan nobo.
Hunto, nos consorcio ta traha pa crea recursonan cu impacto, comparti e miho practicanan y fomenta conexionnan entre educadornan, studiantenan y comunidadnan. Nos ta kere cu pa traha den red nos por logra mas cu cualkier organisacion solamente.
