Pensamentu Komputashonal den edukashon (no)formal

BRIDGE ta diseñá pa sosten dosentenan den guia di studiantenan den nos mundu digital. Nos ta kere ku skolnan ta hunga un rol vital pa yuda studiantenan no solamente pa usa teknologia pero tambe pa komprondé su impakto mas amplio. Pa medio di kombinashon di diálogo sosial, aktividatnan pa studiante i profesionalisashon di dosente, nos ophetivo ta pa ekipá skolnan ku e hèrmèntnan ku nan mester pa preparà hóbennan pa un futuro digital responsabel i ku pensamentu. BRIDGE ta konstruí riba tres pilar pa fortalesé alfabetisashon digital, pensamentu krítiko i konfidensa di dosentenan den klas:

Komprondé e impakto di teknologia riba sosiedat usando seshonnan di diálogo

BRIDGE ta invitá dosentenan i studiantenan pa eksplorá preguntanan esensial tokante e rol di teknologia den nos bida diario. E konversashonnan aki ta yuda studiantenan reflekshon riba e dimensionnan sosial, kultural i étiko di teknologia. Abilidatnan ku ta meskos di importante ku konosementu tékniko.

Desaroyo profesional pa edukadornan

BRIDGE ta sosten aktividatnan di aprendizahe profesional pa dosentenan ku ta fortifiká konosementu básiko di pensamentu komputashonal i ofresé estrategianan konkreto pa implementashon den klas. Nos seshonnan di entrenamentu ta diseñá pa ta aksesibel, kolaborativo i aplikabel inmediatamente den enseñansa diario.

Aktividatnan den klas pa studiantenan (8–14 aña)

BRIDGE ta ofresé diferente aktividatnan práktiko ku ta intodusí pensamentu komputashonal di un manera interesante i apropiá pa kada edat. Tur aktividatnan ta rekierí poco preparashon i por keda integrá den diferente materia, for di idioma te siensia. Tantu si bo studiantenan ta nobo den pensamentu komputashonal komo si nan ta kla pa desafíonan mas avansá, nos materialnan ta sosten aprendizahe signifikativo na tur nivel.

e fundeshi di pensamentu komputashonal

Pensamentu komputashonal ta un sèt di abilidatnan ku ta yuda solushoná problemanan, proponiendo solushonnan stap pa stap ku por wòrdu ehekutá pa un persona òf un kòmpiuter. Pensamentu komputarisá no ta nifiká pensa manera un kòmpiuter pero al kontrario, ser abil pa bisa e kòmpiuter kiko e mester hasi pa solushoná un problema.

E fundeshinan di pensamentu komputashonal ta:

Dekomposishon: Parti un problema òf un sistema kompleho den partinan chikitu pa e por bira mas fásil pa komprondé. Nos por dividí un tarea grandi i/òf data kompleho (p.e. usa un studiante komo modelo) den tareanan simpel i mas chikitu òf komponentenan di data (p.e. data personal i datarelashoná ku su kursonan) Esaki ta hasi posibel ku nos por traha den forma paralelo, definí e tareanan te den mas detaye, kontrolá e resultado parsial di e tareanan chikitu, ets.

Rekonosementu di patronchi: Haña similaridatnan entre problema i sistemanan ku ta yuda pa usa solushonnan anterior. Identifiká patronchinan den informashon ta permití nos prosesá esaki di forma mas efisiente (manera data di studiantenan su kursonan tin en komun; nòmber di e kurso, kantidat di ora, nòmber di e dosente i e klas).

Apstrakshon: separá lo fundamental for di e aspektonan di aksesorio pa por ignorá detayenan irelevante pa yega na solushon di e problema i komprondementu di e sistema. Siguiendo e ehèmpel di e studiante; nos ta enfoká riba e karakterístikanan komun di tur e studiantenan, esnan ku ta definí e kategoria di e studiante, na lugá di enfoká riba e karakterístikanan individual.

Algoritmo: Desaroyando un solushon stap pa stap pa e problema ku usualmente tin di haber ku sekuensianan, lasonan i alternativanan. Algoritmo ta e reseta pa sigui pa por optené e resultado final deseá. Un ehèmpel típiko di un algoritmo ta un reseta pa kushiná, kaminda mester sigui un set di stapnan sistematikamente manipulando e ingredientenan.