Pensamento Computacional den educacion (no)formal

BRIDGE ta diseña pa sosten docentenan den guia di studiantenan den nos mundo digital. Nos ta kere cu skolnan ta hunga un rol vital pa juda studiantenan no solamente pa uza tecnologia pero tambe pa compronde su impacto mas amplio. Pa medio di combinacion di dialogo social, actividadnan pa studiante y profesionalisacion di docente, nos ophetivo ta pa ekipa skolnan cu e toolsnan cu nan mester pa prepara hobennan pa un futuro digital responsabel y cu pensamento. BRIDGE ta construi riba tres pilar pa fortalece alfabetisacion digital, pensamento critico y confiansa di docentenan den klas:

Compronde e impacto di tecnologia riba sociedad usando sesionnan di dialogo

BRIDGE ta invita docentenan y studiantenan pa explora preguntanan esencial tocante e rol di tecnologia den nos bida diario. E conversacionnan aki ta juda studiantenan reflehona riba e dimensionnan social, cultural y etico di tecnologia. Abilidadnan cu ta mescos di importante cu conocemento tecnico.

Desaroyo profesional pa educadornan

BRIDGE ta sosten actividadnan di aprendizahe profesional pa docentenan cu ta fortifica conocemento basico di pensamento computacional y ofrece estrategianan concreto pa implementacion den klas. Nos sesionnan di entrenamento ta diseña pa ta accesibel, colaborativo y aplicabel inmediatamente den enseñansa diario.

Actividadnan den klas pa studiantenan (8–14 aña)

BRIDGE ta ofrece diferente actividadnan practico cu ta introduci pensamento computacional di un manera interesante y apropiado pa cada edat. Tur actividadnan ta requeri poco preparacion y por keda integra den diferente materia, for di idioma te ciencia. Tanto si bo studiantenan ta nobo den pensamento computacional como si nan ta cla pa desafionan mas avansa, nos materialnan ta sosten aprendizahe significativo na tur nivel.

e base di pensamento computacional

Pensamento computacional ta abilidadnan ku ta juda soluciona problemanan, proponé solucion paso a paso manera un hende o computer lo a hasi esaki. Pensamento computarisá no ta nifiká pensa mescos cu un computer pero contrali, mester ta abil pa bisa e computer kiko e mester hasi pa soluciona un problema.

E basenan di pensamento computacional ta:

Decomposicion: Reparti un problema o sistema complica den partinan chikito pa hasi mas fásil pa compronde. Nos por parti un tarea grande o data complica (p.e. uza un estudiante como modelo) den tareanan simpel i mas chikito o componentenan di data (p.e. data personal y data relaciona cu su cursonan) Esaki ta hasi posibel cu nos por traha paralelo, defini e tareanan detajá, controla e resultado parcial di e tareanan chikito, etc.

Reconoce patronchi: Haya similaridat entre problema y sistema cu ta juda pa uza solucionan anterior. Identifica patronchinan den informacion ta laga nos procesá esaki di forma mas eficiente (manera data di studiantenan su cursonan tin en comun; nomber di e curso, cantidat di ora, nomber di e docente i clas).

Apstraccion: separa lo fundamental for di e aspectonan di accesorio pa por ignora detajenan irrelevante pa jega na solucion di e problema i comprondemento di e sistema. Sigui ku e ehemplo di e studiante; nos ta enfoca riba e caracteristicanan comun di tur e studiantenan, esnan ku ta defini e categoria di e studiante, na luga di enfoca riba e caracteristicanan individual.

Algoritmo: Desarojando un solucion paso a paso pa e problema cu usual tin di aber cu secuencia, lasonan y alternativanan. Algoritmo ta e receta pa sigi pa haya e resultado final ku ta desea. Un ehemplo tipico di un algoritmo ta un receta pa cushina, caminda mester sigui un kantidat di stapnan cistematico manipulando e ingredientenan.